केशवसुतांचे अंतरंग

केशवसुतांची 'सामाजिक कविता' ही पृथ्वीला स्वर्ग बनू न देणाऱ्या कृतघ्न, दुष्ट, स्वार्थी मानवावर चाल करून जाणारी, उद्दाम, आवेगी अशी 'क्रांती-कविता' आहे: तर केशवसुतांची 'कविविषयक कविता ही पृथ्वीला स्वर्गसौंदर्य प्राप्त करून देऊ शकणाऱ्या उदारमनस्क, उदारचरित, प्रज्ञाचक्षु, प्रतिभासंपन्न, आदर्शरूप कलावंतांचे माहात्म्य गाणारी अनिवार 'स्तोत्रगीते आहेतः आणि त्यांची 'गूढवादी कविता' म्हणजे मानवी मर्यादा सोसणाऱ्या पण अमर्याद होऊ बघणाऱ्या एका बद्ध-मुक्त जीवात्म्याची करुण रम्य निश्वसिते आहेत. या त्रिविधरूपातील केशवसुतांची कविता एकात्मतेने पाहण्यातच खरे स्वारस्य आहे.